საქართველოს ეკონომიკისა და მდგრადი განვითარების მინისტრი გიორგი გახარია სტამბოლში დაგეგმულ ბიზნეს-ფორუმს დაესწრება. Azertag წერს, რომ 17 თებერვალს სტამბოლში თურქეთ-აზერბაიჯან-საქართველოს ბიზნეს-ფორუმი გაიმართება. გამოცემის ინფორმაციით, ფორუმში მონაწილეობა შესაძლოა სამივე ქვეყნის ეკონომიკის მინისტრებმა მიიღონ.
მსგავსი ტიპის, სამხრივი ბიზნეს-ფორუმი უკვე მეხუთედ იმართება.
ფორუმის ფარგლებში სამივე ქვეყნის ბიზნესის წარმომადგენლებს შორის B2B შეხვედრებიც გაიმართება.
საქართველოს სავაჭრო-სამრეწველო პალატაში განმარტავენ, რომ ბიზნეს-ფორუმს 20-მდე ქართული კომპანიის წარმომადგენელი დაესწრება.
