უკრაინიდან ექსპორტირებული რძის პროდუქტების 7%-ი საქართველოზე მოდის. სტატისტიკური ინფორმაციის მიხედვით, საქართველო უკრაინისთვის რძის პროდუქტების ექსპორტის კუთხით რეიტინგში მეოთხე პოზიციაზეა. როგორც უკრაინული მედია წერს, 2016 წელს უკრაინამ სხვადასხვა ბაზარზე 109,3 ათასი ტონა რძის პროდუქტების ექსპორტი მოახდინა, რაც 2015 წლის მაჩვენებელთან შედარებით 9%-ითაა შემცირებული.
უკრაინიდან რძის პროდუქტების საექსპორტო ბაზრების ტოპ-10 ქვეყანა: ყაზახეთი (16%), მოლდოვა (13%), თურქმენეთი (8%), საქართველო (7%), პაკისტანი (5%), სომხეთი, ვიეტნამი და ბანგლადეში (4-4%), ჩინეთი და ეგვიპტე (3-3%).
