ინდოეთის საგადასახადო სამსახურმა ტურისტული გადასახადი გაზარდა.
როგორც ინდური მედია წერს, გადასახადი, რომელიც 4,5%-ს შეადგენდა ამიერიდან 9%-მდე იზრდება. აღნიშნული გადასახადი დაწესებულია როგორც ცალკეულ ასევე ჯგუფურ ტურიზმზე.
როგორც RATA-news წერს, სასტუმროების ნაწილმა გადაწყვეტილება მიიღო და საფასურს არ გაზრდის. ნაწილი კი ფასების ზრდას ახალი სეზონიდან გეგმავს.
ცნობილი გახდა ისიც, რომ ტურისტულ გადასახადთან ერთად გაძვირდა საექსკურსიო პროგრამები და სხვადასხვა ტურისტულ ღირსშესანიშნაობაზე შესვლის ტარიფები. საკმაოდ გაძვირდა ტაჯმაჰალის მონახულების საფასურიც.
