ინტერნეტ-სერვის იუბერის დამფუძნებელმა ტრევის კალანიკმა ტრამპის ეკონომიკური საბჭო დატოვა. ამის მიზეზი მის წინააღმდეგ აგორებული კამპანია გახდა. კალანიკი საბჭოში შესვლის გამო არამხოლოდ მედიამ და სამოქალაქო სექტორმა, არამედ საკუთარმა თანამშრომლებმაც გააკრიტიკეს, რომელთა უმრავლესობაც უცხოეთის მოქალაქეა. როგორც იუბერის დამფუძნებელი ამბობს, ტრამპის გადაწყვეტილება 7 მუსლიმური სახელმწიფოს მოქალაქეებისთვის საზღვრის ჩაკეტვის შესახებ მისთვისაც მიუღებელია.
