საქართველოს ეროვნული ბანკის პროგნოზით მოსალოდნელია ინფლაცია გაიზარდოს და დროებით გადააჭარბოს ეროვნული ბანკის მიზნობრივ მაჩვენებელს.
მიზნობრივზე მაღალი ინფლაცია 2017 წელს ძირითადად ერთჯერადი ფაქტორებით იქნება განპირობებული. ამ მხრივ აღსანიშნავია სამომ ხმარებლო ფასებზე აქციზის გაზრდილი გადასახადის გავლენა და გაცვლითი კურსის ცვლილება, რაც გასული წლის მეორე ნახევრიდან თურქული ლირის გაუფასურებისა და აშშ დოლარის გლობალური გამყარების შედეგი იყო.
მეორე მხრივ, ინფლაციას შემცირებისკენ უბიძგებს სუსტი ერთობლივი მოთხოვნა, რაც პო ტენციურთან შედარებით სუსტი ეკონომიკური აქტივობის შედეგია. პროგნოზის მი ხედვით, სხვა თანაბარ პირობებში, ინფლაცია შემცირდება ერთჯერადი ეფექტების ამოწურვის ფონზ ე და 2018 წელს ჩამოცდება მიზნობრივ მაჩვენებელს. საშუალოვადიან პერიოდ ში რეალური ეკონომიკის პოტენციურ დონესთან დაახლოების კვალდაკვალ ინფლაცია მიუახლოვდება მიზნობრივ მაჩვენებელს.
ძირითად რისკ ფაქტორს საგარეო სექტორი წარმოადგენს. კერძოდ, რისკის შემცველია სავაჭრო პარტნიორი ქვეყნების ეკონომიკური ვითარება, დოლარის გლობალური გამყარების ტენდენციები და სურსათისა და ნავთობის საერთაშორისო ფასები. პროგნოზის საბაზისო სცენარი საგარეო შოკის გამწვავებას, საერთაშორისო ბაზრებზე დოლარის გაცვლითი კურსისა და სასაქონლო ჯგუფებზე ფასების მკვეთრ ცვლილებებს არ ითვალისწინებს. შესაბამისად, თუკი საგარეო ფაქტორები მოსალოდნელთან შედარებით გაუარესდება, ან საერთაშორისო ფასები მოსალოდნელზე მეტად გაიზრდება, ეს, ინფლაციაზე პროგნოზთან შედარებით ზრდის ზეწოლას შექმნის და ეკონომიკური აქტივობის შენელებას გამოიწვევს. მეორე მხრივ, თუკი საგარეო ფაქტორები მოსალოდნელზე სწრაფად გაუმჯობესდება ან ევროპასთან თავისუფალი ვაჭრობის შესაძლებლობის ფონზე, ბიზნეს განწყობა და ინვესტიციები მოსალოდნელზე მეტად გაუმჯობესდება, ეს ეკონომიკური აქტივობის პროგნოზირებულზე მეტად ზრდას, ხოლო ინფლაციაზე საგარეო ფაქტორებით ნაკლებ ზეწოლას განაპირობებს.
