ქუთაისის მაჟორიტარული ოლქის დეპუტატი კობა ნარჩემაშვილი აცხადებს, რომ პარლამენტის ქუთაისიდან გადატანისა და კონსტიტუციაში სათანადო ცვლილების ასახვის საკითხს მხარს არ დაუჭერს.
“აღნიშნულ საკითხთან დაკავშირებით მსჯელობა არ ყოფილა. პირადად მე მაქვს იგივე პოზიცია, რაც წინასაარჩევნო კამპანიის დროს მქონდა - პარლამენტის ქუთაისიდან თბილისში გადატანას მხარს არ ვუჭერ. ჩემს ამ პოზიციას სახელმწიფო საკონსტიტუციო კომისიის ფარგლებშიც დავაფიქსირებ“, - განუცხადა ნარჩემაშვილმა ურნალისტებს სახელმწიფო საკონსტიტუციო კომისიის ფარგლებში შექმნილი ადამიანის ძირითადი უფლებებისა და თავისუფლებების, სასამართლო ხელისუფლების, კონსტიტუციის პრეამბულისა და ზოგადი და გარდამავალი დებულებების საკითხთა სამუშაო ჯგუფის სხდომის დაწყებამდე.
საკონსტიტუციო კომისიის სამუშაო ჯგუფის სხდომა ამ წუთებში პარლამენტში მიმდინარეობს.
