ფრიდრიხ ებერტის ფონდის მიერ ჩატარებული კვლევის მიხედვით, გამოკითხული რესპოდენტების 5 პროცენტს სახლში წიგნები არ აქვს. კვლევა გარდამავალ თაობაში ოჯახების კულტურული კაპიტალის განსაზღვრას ემსახურებოდა. შედეგენის მიხედვით, სახლში არსებული წიგნების რაოდენობა განსხვავებულია საცხოვრებელი ტიპის მიხედვით.
თბილისში, რესპონდენტთა 49% პროცენტმა განაცხადა, რომ სახლში 100 წიგნზე მეტი აქვს. საქართველოს სხვა ქალაქებში ეს მაჩვენებელი 36%ა. სოფლად 100 წიგნზე მეტი მხოლოდ რესპონდენტების 21%-ს აქვს.
8 პროცენტს სახლში 10-მდე წიგნი აქვს; 10 პროცენტს - 10-დან-20-მდე; 9 პროცენტს - 30-მდე; 15 პროცენტს კი სახლში 50-მდე წიგნის აქვს.
ქვეყნის მასშტაბით ჩატარებული კვლევა მოიცავდა 14-29 წლის ახალგაზრდებს. კვლევა ჩატარდა 2016 წლის მაისი-ივნისის პერიოდში. კვლევის მეთოდოლოგია მოიცავდა პირისპირ ინტერვიუებს და ფოკუსჯგუფის დისკუსიებს. ჯამში, მთელი ქვეყნის მასშტაბით ჩატარდა 1200 პირისპირ ინტერვიუ. კვლევის ფოკუსს წარმოადგენდა ახალგაზრდა თაობის სოციალურ-ეკონომიკურ თემებთან არსებული გამოცდილებისა და დამოკიდებულებების შესწავლა.