საპარლამენტო უმცირესობა ”გაზპრომის” თემაზე დებატების გამართვას საგაზაფხულო სესიის პირველივე დღეს მოითხოვს, - განცხადება ამის შესახებ უმცირესობის წევრმა სერგო რატიანმა გააკეთა. მისი თქმით, ”გაზპრომის” თემა საზოგადოებისთვის მაღალ ინტერსს ატარებს.
,,პარასკევს მოვითხოვეთ პოლიტიკური დებატები ”გაზპრომის” თემასთან დაკავშირებით, რათა უმრავლესობამ გასცეს კითხვებს პასუხი, თუ რატომ მოაწერა ხელისუფლებამ ხელი ანტისახელმწიფოებრივ შეთანხმებას. 8 თებერვალს, საგაზაფხულო სესიის პირველივე დღეს ვითხოვთ ჩატარდეს ეს დებატები. ”გაზპრომის” თემა საზოგადოებისთვის მაღალ ინტერსს ატარებს”, - განაცხადა რატიანმა.
მისი ინფორმაციით, შესაბამისი განცხადება პარლამენტში დღეს დაარეგისტრირეს.
