"მეგობრებო, მართალი ბრძანდებით! პოლიტსაბჭოს შემადგენლობა, თუნდაც მისი შემადგენლობის პირველადი ვერსია წინასწარ უნდა გამოგვექვეყნებინა. ყველამ უნდა ვაღიაროთ, რომ შეგვეშალა, მაგრამ ამას ჰქონდა თავისი მიზეზები. მომავალში იგივე შეცდომას აღარ გავიმეორებთ", - ამის შესახებ "ნაციონალური მოძრაობის" წევრი ჩიორა თაქთაქიშვილი სოციალურ ქსელში წერს.
"ძალიან დიდი მადლობა, რომ მიუხედავად ამ მნიშვენლოვანი ხარვეზისა, თქვენ ერთხმად გამოგვიცხადეთ ნდობა, ნდობა გამოუცხადეთ პოლიტსაბჭოს ახალ წევრებს, ახალ თავმჯდომარეს და მის მოადგილეებს. ეს უდიდესი პასუხისმგებლობაა თითოეული ჩვენგანისთვის.
ჩემი მთავარი ამოცანა იქნება, რომ საქმით დავამტკიცოთ ის, რაც ვთქვით ყრილობაზე: დიახ, ჩვენ არ შეგვეშინდება სიახლეების, გახსნილობის, გამჭვირვალობის და ვიქნებით თქვენს წინაშე ანგარიშვალდებული.
მაგრამ ყველა უნდა შევთანხმდეთ, რომ შორს ვერ წავალთ, თუ ამ უნიკალური, უმნიშვნელოვანესი და უძლიერესი ყრილობის თაობაზე მთავარ დასკვნას გამოვიტანთ „მეც უნდა ვყოფილიყავი, ისიც უნდა ყოფილიყო პოლიტსაბჭოში!“, „რატომ არ ვარ პოლიტსაბჭოში?“, - ამ ჭრილიდან.
არიან ისეთი უმაგრესი ადამიანებიც, ვინც ნამდვილად დააკლდა ამ შემადგენლობას!!! დამეთანხმებით, რომ შეუძლებელია ისეთი ჩამონათვალის გაკეთება, რომლითაც ყველა კმაყოფილი დარჩება და რომელსაც არავინ დააკლდება. ჩვენ 600 000 ვართ!
ცხადია მნიშვნელოვანია პოლიტსაბჭოს წევრობა. მაგრამ აქ არ წყდება პარტიის ბედი. მთავარია, რას გავაკეთებთ ერთად მომავალში.
მთავარია, რომ შევძლოთ და თითოეულ ადამიანს შევუწყოთ ხელი, მიუხედავად ყოველგვარი თა ნამდებობისა, რომ მათი უნიკალური გამოცდილება, ცოდნა და შესაძლებელობები საერთო საქმეს, ჩვენს მთავარ იდეას, ქართული სახელმწიფოებრიობის განმტკიცებას, ივანიშვილის რეჟიმის დამარცხებას მოხმარდეს.
კმარა, ოლიმპოდან ქვემოთ ყურება! როცა თანამდებობის პირებს ეგონათ, რომ ისინი ყველაზე ჭკვიანები იყვნენ.
ჩემი მთავარი ამოცანა იქნება, რომ თითოეულ თქვენთაგანს ქონდეს ახალი იდეებისა და ინიციატივების შემოთავაზების შესაძლებლობა. საუკეთესო ინიციატივები გადაიქცეს საქმედ და განხორციელდეს, და არ დაიბლოკოს, როგორც ეს ბოლო 4 წლის განმავლობაში ხდებოდა.
ჩვენ ამ ბრძლაში ყველანი თანასწორები ვართ! ჩაერთეთ, მოიფიქრეთ, შემოგვთავაზეთ! ჩვენ უზრუნველვყოფთ, რომ ყველას ინიციატივა თანაბარ პირობებში, ფართო ჩართულობით განვიხილოთ და დაგეხმაროთ მათ განხორციელებაში.
ამ ქვეყნის მომავალი თქვენს ხელშია!
დიდი მადლობა, რომ ღიად გვეუბნებით, რა არ მოგეწონათ. იქნება ეს კრიტიკა სამართლიანი თუ უსამართლო, კეთილგონიერი თუ კეთილგონიერებას მოკლებული, ჩვენს მხარდამჭერებს არ უნდა ეშინოდეთ საკუთარი აზრის თავისუფლად გამოთქმა პირადად, თუ ფეისბუქით! ჩვენ კი უნდა მივიღოთ სამართლიანი და კეთილგონიერი კრიტიკა, ვისგანაც არ უნდა მოდიოდეს ის!", - წერს თაქთაქიშვილი.
