საშემოდგომო გამწვანებითი სამუშაოების ფარგლებში ვაკის პარკში ახალი ხეები დარგეს. კერძოდ, აქციის ფარგლებში, პარკის ტერიტორიაზე "თბილსერვის ჯგუფის" მიერ ესპანური სოჭი და მჩხვლეტავი ნაძვი დაირგო. დარგვის პროცესში მონაწილეობას ვაკის რაიონის გამგებელი ნოდარ ტურძელაძე, მისი მოადგილე ბიძინა ჩიკვილაძე და "თბილსერვის ჯგუფის" დირექტორის პირველი მოადგილე დავით დოლიძე იღებდნენ. აქციის ფარგლებში ვაკის პარკში 21 ხე დაირგო. საერთო ჯამში კი "თბილსერვის ჯგუფის" მოვლა-პატრონობაში არსებულ ბაღებსა და პარკებში სხვადასხვა ჯიშის 161 ხე-მცენარე დაირგვება, მათ შორის მჩხვლეტავი ნაძვი, ესპანური სოჭი, უთხოვარა და დასავლეთის ტუია.