აშშ-ის ეკონომიკის ზრდის მიუხედავად, უმუშევრობის მაღალი დონე კვლავინდებურად სერიოზულ შეშფოთებას იწვევს. ამის შესახებ ფედერალური სარეზერვო სისტემის ხელმძღვანელმა ბენ ბერნანკემ განაცხადა.
ბერნანკეს თქმით, ფედერალური სარეზერვო სისტემა უკვე დიდი ხანია ბანკებს მცირე ბიზნესის კერდიტუნარიანი კომპანიებისთვის სესხის გაცემისაკენ მოუწოდებს. მისი აზრით, აღნიშნული კომპანიები სამუშაო ადგილების შექმნისა და დასაქმების გარანტიის ზრდისთვის უდიდეს როლს ასრულებენ.
ბერნანკემ შეშფოთება გამოთქვა მცირე ბიზნესის დაფინანსების შემცირების გამო. უკანასკნელი მონაცემებით, კრედიტის მოცულობა თითქმის 700 მლრდ დოლარით შემცირდა.
