პრეზიდენტი გიორგი მარგველაშვილი მოქანდაკე მერაბ ბერძენიშვილის გარდაცვალების გამო მწუხარებას გამოთქვამს.
„ღრმა მწუხარებას გამოვთქვამ თვალსაჩინო მოქანდაკის მერაბ ბერძენიშვილის გარდაცვალების გამო.
ბატონი მერაბის შემოქმედებამ დიდი ხანია გამორჩეული ადგილი დაიმკვიდრა ჩვენ კულტურულ მემკვიდრეობაში. მისი ჰუმანისტური ხედვა, განსხეულებული მონუმენტურ ქანდაკებებში, ორიგინალური რაკურსით წარმოაჩენს ქართველი ადამიანის ხასიათს, ჩვენ ისტორიას და ფასეულობებს, რომელთაც იგი ეფუძნება.
ამ მძიმე წუთებში ვუსამძიმრებ და თანადგომას ვუცხადებ ბატონი მერაბის ოჯახსა და ახლობლებს“, - აღნიშნულია პრეზიდენტის სამძიმრის წერილში.