საქართველოში ახალი სასწავლო წელი დაიწყო. განათლებისა და მეცნიერების მინისტრის ალექსანდრე ჯეჯელავას თქმით, წელს პირველკლასელთა რაოდენობა გაზრდილია და ის 53 540–ს შეადგენს. პირველ კლასში შესვლის უფლება კი იმ ბავშვებს მიეცათ, რომლებსაც ექვსი წელი 15 სექტემბრამდე შეუსრულდათ.
ახალ სასწავლო წელს სკოლის სახელმძღვანელოებს საჯარო სკოლის ყველა მოსწავლე, ხოლო კერძო სკოლების სოციალურად დაუცველ ოჯახში მცხოვრები ბავშვები იღებენ.
საჯარო სკოლების პირველკლასელებს ე.წ. ბუკები წელსაც გადაეცემათ.
სწავლა წელს საქართველოს ათამდე სკოლაში დადგენილ დროზე გვიან დაიწყება, რისი მიზეზიც სარემონტო სამუშაოებია.