ჩრდილოატლანტიკური საბჭოს საქართველოში ვიზიტის ფარგლებში გერმანიის ელჩმა ნატოში, ჰანს-დიტერ ლუკასმა განაცხადა, რომ გერმანია თავდაცვის ინსტიტუციური აღმშენებლობის სკოლის (DIB School) ჩამოყალიბებას საქართველოში ნახევარი მილიონი ევროთი დაუჭერს მხარს. ეს სკოლა წარმოადგენს „ნატო-საქართველოს არსებითი პაკეტის“ (SNGP) ცენტრალურ ელემენტს, რომლითაც ნატოს თავისი წვლილი შეაქვს საქართველოს თავდაცვისუნარიანობისა და საქართველოს შეიარაღებული ძალების თავსებადობის გაძლიერებაში.
SNGP-ს შექმნა გადაწყდა ნატოს 2014 წლის სამიტზე უელსში და ეს იდეა გამყარდა 2016 წლის ივლისში ვარშავაში ჩატარებულ სამიტზე.
გერმანელი პოლკოვნიკი ხელმძღვანელობს ნატოს „ძირითად ჯგუფს“, რომელიც კოორდინაციას უწევს არსებითი პაკეტის განხორციელებას. გერმანია ასევე გამოაგზავნის DIB School-ის პროექტის ხელმძღვანელსაც. იმისათვის, რომ პროექტი კიდევ უფრო გაძლიერდეს, გერმანია დამატებით 500 ათას ევროს გამოყოფს, რაც წარმოადგენს საქართველოს მთავრობის მიერ თავდაცვისა და უსაფრთხოების სექტორში გაწეული სამუშაოს მხარდაჭერას.