ბიძინა ივანიშვილს ზუგდიდში საპროტესტო აქციით დახვდნენ. აქციაზე ”ნაციონალური მოძრაობის” წევრები და სამშენებლო კომპანია ”ანი 2014”-ის წარმომადგენლები მივიდნენ და ივანიშვილთან შეხვედრას ითხოვდნენ.
„ანი 2014“-ის თანამშრომლების ინფორმაციით, ქალაქში ქვაფენილების დაგებისთვის კუთვნილი ანაზღაურება ამ დრომდე არ მიუღიათ და მათ სურდათ ივანიშვილთან სწორედ ამ საკითხზე ესაუბრათ.
„ნაციონალური მოძრაობის“ წარმომადგენლის ანი წიფლიძის განცხადებით კი, მუშების საქმეში ფიგურირებს ვიცე-მერი გია გულორდავა, რომელიც ბიძინა ივანიშვილის კურსელია და სწორედ ამიტომ სურდათ ივანიშვილისთვის ამ პრობლემის შესახებ ინფორმაციის მიწოდება.
ბიძინა ივანიშვილი აქციის მონაწილეებს არ შეხვედრია და ჟურნალისტებთან საუბრისას აღნიშნა, რომ მათ შეუძლიათ მოითხოვონ მისი კოორდინატები, მისამართი და მიაწოდონ შესაბამისი ინფორმაცია რათა მას გაეცნოს.