ვაშინგტონმა მოსკოვს სირიის კრიზისის მოგვარების გეგმა უკანასკნელად შესთავაზა. ამის შესახებ გამოცემა „ვაშინგტონ პოსტი“ იტყობინება. პუბლიკაციაში ნათქვამია, რომ ამერიკული მხარე რუსეთს ულტიმატუმს უყენებს და აცხადებს, რომ მათი მოთმინება იწურება. ამერიკული გეგმა სირიაში ცეცხლის სრულად შეწყვეტას, რუსული ავიაციის ქმედებების შეჩერებას და ტერორისტთა წინააღმდეგ ერთობლივი ოპერაციის დაწყებას გულისხმობს.
