ბრიუსელში პოლიციამ კრიმინოლოგიის ეროვნულ ინსტიტუტზე თავდასხმასთან კავშირში ეჭვმიტანილი ორი ადამიანი დააკავა. გამომძიებლები მიიჩნევენ, რომ თავდასხმა ტერორიზმს არ უკავშირდება.
სამართალდამცველები ვარაუდობენ, რომ მომხდარი ორგანიზებულ დანაშაულებრივ ჯგუფს უკავშირდება.
ბოლო ინფორმაციით, უცნობმა პირებმა კრიმინოლოგიის ინსტიტუტის ღობე ავტომობილით გაარღვიეს და ლაბორატორიის შენობას ცეცხლი წაუკიდეს, რასაც აფეთქება მოჰყვა. ინციდენტის დროს ინსტიტუტის შენობაში არავინ ყოფილა. მომხდარის შედეგად არავინ დაშავებულა. თავდაპირველად გავრცელდა ინფორმაცია, რომ ინსტიტუტთან ასაფეთქებელი მოწყობილობა ამოქმედდა.
