ჩუღურეთის რაიონში, დავითაშვილის ქუჩის მცხოვრებლები ახალი, კეთილმოწყობილი გზით ისარგებლებენ. საგზაო ინფრასტრუქტურის კეთილმოწყობა რამდენიმე დღის წინ დაიწყო და სექტემბრის თვეში დასრულდება. დავითაშვილის ქუჩაზე მიმდინარე საგზაო სამუშაოებს ჩუღურეთის რაიონის გამგებელი ზურაბ ჩიკვილაძე გაეცნო და ადგილობრივ მოსახლეობას შეხვდა.
ამ ეტაპისთვის, 1500 კვ. მეტრის ფართზე მოხდა ამორტიზირებული რიყის ქვის დემონტაჟი, მიმდინარეობს ქვაფენილის გამაგრების ზოლების მოწყობა, რის შემდეგაც ბაზალტის ძელაკები დაიგება.
ჩუღურეთის რაიონში, ამ დროისთვის 30 ქუჩაზე, 34 000 კვ.მ ასფალტის საფარი დაიგო.
