თურქეთის საგარეო საქმეთა სამინისტრომ სახელმწიფო გადატრიალებიოს გამოძიების ფარგლებში 208 დიპლომატი სამშობლოში გაიხმო.
უწყების ხელმძღვანელის მევლუთ ჩავუშოგლუს განცხადებით, 32-მა დიპლომატმა უარი განაცხადა სამშობლოში დაბრუნებაზე.
„ჩვენ კავშირზე ვართ იმ ქვეყნებთან, რომელთაც მათ თავი შეაფარეს და ვმუშაობთ მათ ექსტრადაციაზე“, - განაცხადა მინისტრმა.
წარუმატებელი სამხედრო გადარტიალების მცდელობის შემდეგ თურქეთის ხელისუფლება საზოგადოების სხვადასხვა ფენებში მასობრივ წმენდას ახლორცილებს.
ამ დროისთვის დაკავებულია 60 ათასზე მეტი ადამიანი - მათ შორის, სამხედრო მოსამსახურეები, მოსამართლეები, უნივერსიტეტების თანამშრომლები, ჟურნალისტები, სპორტსმენები და ა.შ.
თურქეთის ხელისუფლება სახელმწიფო გადატრიალების მცდელობის ორგანიზებაში ბრალს სდებს აშშ-ში მცხოვრებ ფეთჰულაჰ გიულენს და მის ექსტრადირებას მოითხოვს.
თავად ფეთჰულაჰ გიულენი უარყოფს რაიმე სახის კავშირს გადატრიალებასთან და მომხდარის საერთაშორისო გამოძიებას მოითხოვს.
