პარლამენტის თავმჯდომარე დავით უსუფაშვილი ”საქართველოს დემოკრატიული ინიციატივის” მიერ კორცხელში მომხდარ ინციდენტთან დაკავშირებით გამოქვეყნებული ანგარიშს ეხმაურება და აცხადებს, რომ იქ ხალხი ერთმნიშვნელოვნად, პოლიტიკურ ნიადაგზე ჩხუბობდა.
მისი თქმით, ამ ტიპის ვანდალური აქტები რომ არ მოხდეს, პარლამენტმა მთავრობისა და პრემიერ-მინისტრის ინიციატივით კანონში უპრეცედენტოდ მკაცრი ზომები ჩადო.
,,ეჭვი არ მეპარება, რომ იქ ცემა-ტყეპა იყო პოლიტიკურ ნიადაგზე. იქ ფულის ან შეყვარებულის გაყოფაზე არ იყო ჩხუბი. ამას არ ვიცი რა დიდი დასკვნა სჭირდება, რომ დიახ, პოლიტიკური შეხედულებების, სიმპათია-ანტიპათიების გამო ჩხუბობდა ხალხი. ვინ დაიწყო, ვინ უპასუხა, ვინ წინასწარ იყო მომზადებული, ვინ პროვოკაციას წამოეგო, ვინ კიდე რას წამოეგო - მე არ ვიცი, ამაზე გამოძიებამ უნდა გაგვცეს პასუხი. ის, რაც მოხდა, არ აქვს მნიშვნელობა ვისი ბრალით მოხდა, ეს რომ მიუღებელი და დაუშვებელია, ამაზე ყველამ ყველაფერი ვთქვით. ასევე იმითიც, რომ პარლამენტმა საგაზაფხული სესიაზე ერთ-ერთი ბოლო აქტი მიიღო, არჩევნების დროს პოლიტიკური პარტიების ქცევის კოდექსთან დაკავშირებით, რომელსაც სამწუხაროდ, უმცირესობა არ შემოუერთდა“, - განაცხადა უსუფაშვილმა.