თბილისში, საქართველოს პარლამეტთან, სვანეთში გიგანტური ჰესების მშენებლობის წინააღმდეგ საპროტესტო-საინფორმაციო აქცია გაიმართა. აქციაში მონაწილეობა მიიღეს საზოგადოების წარმომადგენლებმა, გარემოსდაცვითი ორგანიზაციების წევრებმა რიგითმა მოაქლაქეებმა.
აქციაზე მისმა ერთ-ერთმა ორგანიზატორმა ლაშა ჩხარიშვილმა განაცხადა, საზოგადოება არ დაუშვებს ხელისუფლების მხრიდან მისი მოტყუების უფლებას.
”სვანეთში, სააკაშვილის მიერ დაწყებული ჰესების მშენებლობის პროცესი, დღევანდელმა ხელისუფლებამ გააგრძელა. ეს იმ ვითარებაში, როდესაც ”ქართული ოცნების” საარჩევნო დაპირებაში პირდაპირ წერია: ატომური ელექტროსადგურებისა და დიდი ჰესების მშენებლობის აკრძალვა”, - განაცხადა ჩხარტიშვილმა.
მან ასევე აღნიშნა, რომ არავის უნდა მიეცეს იმის უფლება, რომ ელექტროენერგიის ექსპორტიდან მიღებული შემოსავლების, ან ბიუჯეტის შევსების მოტივით ეკოლოგია და კულტურული მემკვიდრეობის ძეგლები საფრთხის ქვეშ დააყენოს.
მან ასევე აღნიშნა, რომ ხვალ, სვანეთში იმართება მორიგი აქცია ჰესების მშენებლობის წინააღმდეგ.