ნაძალადევის რაიონში ბოგვის ქუჩის კაპიტალური რეაბილიტაცია მიმდინარეობს, ასფალტის საფარი იგება 3874 კვადრატულ მეტრზე. საგზაო სამუშაოების ფარგლებში კაპიტალურად წესრიგდება სავალი ნაწილი, ტროტუარები და ბორდიურები.
მერიის ინფორმაციით, საგზაო სამუშაოების დაწყებამდე მთლიანად გამოიცვალა მიწისქვეშა კომუნიკაციები.
ბოგვის ქუჩაზე მიმდინარე საგზაო სამუშაოები, ნაძალადევის რაიონის გამგებელმა- ზაზა გაბუნიამ დაათვალიერა და ადგილობრივ მოსახლეობას შეხვდა.
