აჭარის ფინანსთა და ეკონომიკის მინისტრმა დავით ბალაძემ თურქ ხალხს მოხდარი ტრაგედია მიუსამძიმრა. მინისტრმა თურქეთის საკონსულოში გახსნილ სამძიმრის წიგნში ჩანაწერი გააკეთა:
"მინდა გამოვხატო ჩემი უდიდესი გულისტკივილი სტამბოლის ათათურქის სახელობის საერთაშორისო აეროპორტში მომხდარი შემზარავი ტერორისტული აქტის გამო. მიიღეთ ჩემი გულწრფელი თანაგრძნობა და მხარდაჭერა. ტერორიზმი არის მსოფლიოს ყველაზე დიდი გამოწვევა და მას არა აქვს საზღვრები, ეროვნება, რელიგია. ჩვენ ამ ბრძოლაში თქვენთან ერთად ვართ. გისურვებთ მხნეობას და მშვიდობას".