კამპანია „გაიცანი საქართველო"-ს ფარგლებში ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ რიგით მე-13 პრესტური გამართა. სხვადასხვა მედიასაშუალებების 20 წარმომადგენელი თუშეთს ეწვია. პრესტურის პირველ დღეს ჟურნალისტებმა და ფოტოგრაფებმა შენაქო და დიკლო მოინახულეს. მეორე დღეს კესალოს კოშკები, ეთნოგრაფიული მუზეუმის დაათვალიერეს. ჟურნალისტებითუშეთის ეროვნულ პარკში, დაცული ტერიტორიების სააგენტოს ორგანიზებულ ფესტივალს „მზემოე"-ს დაესწრნენ, რომელიც ტურისტული სეზონის გახსნას დაემთხვა, მედიის წარმომადგენლებმა დააგემოვნეს ტრადიციული სამზარეულო და მონაწილეობა მიიღეს ტრადიციულ დოღში.
პრესტურის მესამე მედიის წარმომადგენლებმა სოფელ დართლოში არსებული კულტურული ძეგლების დათვალიერეს, თბილისში გამომგზავრებისას მოინახულეს თორგვას აბანოები.
შიდა ტურიზმის პოპულარიზაციის მიზნით, ტურიზმის ეროვნულმა ადმინისტრაციამ კამპანია „გაიცანი საქართველო" 2015 წელს დაიწყო. პროექტის მიზანია საქართველოს ტურისტული პოტენციალის წარმოჩენა და შიდა ტურიზმის პოპულარიზაცია. ერთი წლის განმავლობაში მასმედიის 200-მდე წარმომადგენელმა საქართველოს სხვადასხვა რეგიონი მოინახულა. მომზადდა 50-ზე მეტი სიუჟეტი, მთელი წლის მანძილზე ქართული საზოგადოება იღებდა ინფორმაციას საქართველოს სხვადასხვა კუთხის ტურისტული პოტენციალისა და ღირშესანიშნაობების შესახებ.