გიგა ოთხოზორიას მკვლელობაში ბრალდებულის დაკავებასა და გადმოცემას ქართული მხარე გალში, 6 ივლისს დაგეგმილ ინციდენტების პრევენციისა და მათზე რეაგირების მექანიზმის შემდგომ შეხვედრაზეც მოითხოვს,- ამის შესახებ რეინტრგრაციის საკითხებში სახელმწიფო მინისტრის მოადგილემ, ქეთი ციხელაშვილმა განაცხადა.
მისივე თქმით, ხურჩაში 19 ივლისს საქართელოს მოქალაქის მკვლელობა ერთ-ერთი მთავარი განსახილველი საკითხი იყო ჟენევის 36-ე რაუნდზეც.
„ჟენევის დისკუსიების ორივე სამუშაო ჯგუფში ეს იყო ორივე თემა, ვინაიდან დღემდე ფაქტობრივად არ გვაქვს დადასტურებული ინფორმაცია, რომ ეს პირი არ არის დაკავებული მკვლელი, დამნაშავე, ეს არის ალბათ ის მინიმუმი, რომლის მოლოდინიც არამხოლოდ ქართულ მხარეს აქვს და ჰქონდა, არამედ საერთაშორისო თანამეგობრობასაც და მინდა გითხრათ, რომ ჟენევაში ჩვენ ვიყავით ერთსულოვანი ამ მოთხოვნაში, აუცილებელია მკვლელი დაისაჯოს. ჩვენ გავაგრძელებთ ამ თემაზე მუშაობას”, - განაცხადა ქეთი ციხელაშვილმა.
მისივე თქმით, რამდენიმე დღეში გალში ჩანიშნულია ინციდენტების პრევენციისა და მათზე რეაგირების მექანიზმის მორიგი შეხვედრა. 27 მაისს პირველი შეხვედრა ამ ფორმატში მხოლოდ გიგა ოთხოზორიას მკვლელობის საკითხს უკავშირდებოდა და 6 ივლისის შეხვედრაზეც აუცილებლად იქნება მკვლელის დასჯაზე საუბარი.