"ნაციონალური მოძრაობა" აჭარის მთავრობის სრული შემადგენლობის გადადგომას მოითხოვს. ამის მიზეზად ოპოზიცია აჭარის ხელისუფლების მიერ შეუსრულებელ დაპირებებს ასახელებს.
აჭარის ავტონომიური რესპუბლიკის უმაღლესი საბჭოს ფრაქცია ერთიანი "ნაციონალური მოძრაობის" მდივანის პეტრე ზამბახიძის განცხადებით, რეგიონში არაერთ მოუგვარებელ პრობლემაა,
“აჭარის მთავრობამ და პირადად არჩილ ხაბაძემ უნიათო და უსაქმური მთავრობის თავმჯდომარემ მოატყუა რეგიონის მოსახლეობა. ივანიშვილის ხელდასმით არჩილ ხაბაძე, 4 წლის განმავლობაში მხოლოდ საკუთარ ინტერესებზე ზრუნავდა და ყველაფერს აკეთებდა საკუთარი კლანის გამდიდრებისთვის. მოვუწოდებ ხაბაძეს, გადადგეს დაუყოვნებლივ. წინააღმდეგ შემთხვევაში ჩვენ დაწყებული გვაქვს გადაყენების პროცესი და უახლოეს დღეებში უმაღლესი საბჭო იმსჯელებს ამ საკითხზე და მიიღებს ადეკვატურ გადაწყვეტილებას,“ - განაცხადა პეტრე ზამბახიძემ.