ანბანის კოშკი გაიხსნა. კოშკურის სფეროს ყველაზე მაღალ დონეში ტურისტული საინფორმაციო ცენტრი განთავსდა. აუდიო გიდის მეშვეობით ვიზიტორებს შესაძლებლობა აქვთ ყველაზე მაღალი წერტილიდან საქართველოს ტურისტულ პოტენციალს და ქართულ კულტურას ონლაინ რეჟიმში გაეცნონ.
ესპანური კომპანია მომავალი თვიდან მბრუნავი რესტორნის გახსნასაც გეგმავს. წლის ბოლოს კი საკონფერენციო და საგამოფენო დარბაზის გახსნაც იგეგმება. ანბანის კოშკთან ღია ტერასაც ფუნქციონირებს.
ობიექტის მშენებლობისთვის 2011 წელს 64 მილიონი ლარი დაიხარჯა და ამ დრომდე იყო უფუნქციოდ. შარშან კოშკი ესპანურ კომპანია boost spain-ს სიმბოლურ საიჯარო ფასად, 1 ლარად გადაეცა და ვალდებულებებიც აიღო.
130 მეტრი სიმაღლიდან გადმოხედვა ფასიანია.