ბიძინა ივანიშვილი ბიზნესმენებს, ბიზნეს ასოციაციების წარმომადგენლებსა და ეკონომიკის ექსპერტებს შეხვდა. მისი თქმით. ექსპერტების კითხვები არ იყო კრიტიკული.
“ბიზნესი იყო წარმოდგენილი მასშტაბურად. მთავრობის ეკონომიკური გუნდი იყო ძალიან მომზადებული. ექსპერტებიც იყვნენ ძალიან ბევრი, მაგრამ აკლდა კრიტიკა. კრიტიკულად განწყობილი მხოლოდ ორი ექსპერტი აღმოვაჩინე და შევეცადე მათთან პოლემიკაში შესვლას. მომავალში ვისურვებდი, რომ ,,ნაციონალურმა მოძრაობამ“ თავისი ექსპერტები აღარ დამალოს. გოცირიძე, რომელსაც პირველსავე ფორუმზე მე ვესწრებოდი, გაიპარა შუაში, დღეს არ მობრძანდა,“ - განაცხადა ივანიშვილმა.
საქართველოს პირველი ვიცეპრემიერის, ეკონომიკისა და მდგრადი განვითარების მინისტრის დიმიტრი ქუმსიშვილის თქმით, შეხვედრაზე დასმული კითხვები იყო ძალიან უსუსური.