ექს-პრემიერ ბიძინა ივანიშვილის განცხადებით, საქართველოში ბიზნესი არ აქვს. როგორც ბიძინა ივანიშვილმა კონფერენციაზე ”საქართველოს ეკონომიკა და ბიზნესგარემო” განაცხადა, არავითარი ინტერესი გარდა ქვეყნის ინტერესისა, არ გააჩნია.
,,სხვა თანამდებობის ძიებაში მე არ გახლავართ. არც ბიზნესს ვაკეთებ საქართველოში, ამას ხაზს ვუსვამ და აქვე ბიზნესმენებს მინდა, განვუმარტო, რომ არავინ იფიქროს, ეს ცუდია. პირიქით, ყველაზე კარგი, რაც არის, თქვენ აკეთებთ. სწორედ ბიზნესმა უნდა მოახერხოს, გაამდიდროს ქვეყანა და გადატეხოს ის უბედურება, სადაც ჩვენ ვიმყოფებით, მაგრამ ჩემი როლი არ არის დღეს ბიზნესში პირადი. პირადული ბიზნესინტერესები საქართველოში არ მაქვს. წერილშიც აღვნიშნე, თუ ნებისმიერი პროექტი დაგაინტერესებთ თქვენ და განავითარებთ, ფასდაკლებით და არამოგებით სიამოვნებით გადმოგცემთ და კიდევ დაგეხმარებით“, - აცხადებს ივანიშვილი.