კონსტანტინოპოლის პატრიარქი კიდევ ერთხელ მოუწოდებს საქართველოს, ბულგარეთის ანტიოქიისა და რუსეთის ეკლესიებს, მონაწილეობა მიიღონ დიდ და წმინდა კრებაში.
“ვისურვებდი, რომ ამ ეკლესიებმა გადახედონ თავიანთ გადაწყვეტილებებს” – განაცხადა პატრაიქრმა ბართლომემ და დასძინა, რომ ამ ეკლესიების დაუსწრებლობა აფერმკრთალებს “ისტორიული მოვლენის სიხარულს.”
მსოფლლიო პატრიარქი, სხვა მართლმადიდებელი ეკლესიის პატრიარქებთან ერთად კუნძულ კრეტაზე იმყოფება.
აეროპორტში ევროკავშირისა და 14 სახელმწიფოს, მათ შორის, საქართველოს დროშებია გამოფენილი.
უნდა აღინიშნოს, რომ პირვანდელი უარის მიუხედავად, კრებაში მონაწილეობას მიიღებს სერბეთის ეკლესია.
მსოფლიო მედია ხაზგასმით აღნიშნავს, რომ იმ არგუმენტების მიუხედავად, რომელიც დასახელდა, საქართველოს, ბულგარეთისა და ანტიოქიის ეკლესიები რუსეთის გავლენის გამო აცხადებენ დიდ და წმინდა კრებაში მონაწილეობაზე უარს.
მართლმადიდებელთა დიდი და წმინდა კრება 18-დან 27 ივნისამდე კრეტაზე ჩატარდება.