2015 წლის 13 ივნისის წყალდიდობით დაზარალებული ოჯახი საცხოვრებელი ვაგონიდან გამოასახლეს. ,,რუსთავი 2“-ის ინფორმაციით, გუბელაძეების ოჯახი წყნეთის ხევის ქუჩაზე კონტეინერში ერთი წელია რაც ცხოვრობს. გუბელაძეების ოჯახის წევრები აცხადებენ, რომ ტერიტორია მათ საკუთრებაში იყო, მერია კი ამ დრომდე კომპენსაციას არ უხდიდა.
გამოსახლების პროცესს აკვირდებოდა ზედამხედველობის სამსახური. მერიის ზედამხედველობის სამსახურში ამბობენ, რომ გუბელაძეებს აღებული აქვთ კომპენსაცია ზარალის შესაბამისად.
„18 აპრილს დაწყებულ იქნა ადმინისტრაციული სამართალწარმოება ამასთან დაკავშირებით, განესაზღვრა 10-დღიანი ვადა მშენებლობის უნებართვო კონსტრუქციის განთავსების გამოსასწორებლად. ვადის გასვლის შემდეგ სამსახურის თანამშრომლებმა გადაამოწმეს, არ იყო გამოსწორებული სამართალდარღვევა. შესაბამისად, სამსახურის მიერ 27 მაისს მიღებულ იქნა დადგენილება, რომლითაც დაჯარიმდა ქალბატონი ბელა გუბელაძე,“- განაცხადა ზედამხედველობის სამსახურის თანამშრომელმა თამაზ ჯაყუნაშვილმა.