დედაქალაქში გვიან ღამით მოსულ წვიმას არსებითი შეფერხება არ გამოუწვევია, - ამის შესახებ ჟურნალისტებს თბილისის მერმა დავით ნარმანიამ განუცხადა.
”უხვი ნალექის შედეგად მხოლოდ რამდენიმე ქუჩაზე დაგუბდა წყალი, თუმცა ამას რაიმე სერიოზული პრობლემა და ზარალი არ მოუტანია”, - განაცხადა ნარმანიამ.
მერის ინფორმაციით, წვიმის შედეგად გუშინ მცირე მეწყერი ჩამოწვა ახალდაბის გზაზე, მის გასაწმენდად კი შესაბამისი სამსახურები მუშაობენ.