საფრანგეთის ელჩმა საქართველოში პასკალ მენიემ და ბანკ „რესპუბლიკის“ გენერალურმა დირექტორმა ანტუან გაბიზონმა ბანკის სათავო ოფისში ხელი მოაწერეს მემორანდუმს თანამშრომლობის შესახებ, რომლის თანახმადაც ქართველი სტუდენტი ბანკის მიერ დაწესებული სტიპენდიით საფრანგეთის წამყვან უნივერსიტეტში ისწავლის. ბანკის მხარდაჭერით შარშან საფრანგეთის წამყვან უნივერსიტეტ Université Paris 1-ში სასწავლებლად გაემგზავრა საერთაშორისო ბიზნესსამართლის სტუდენტი გვანცა ჩადუნელი.
საფრანგეთის მთავრობისა და ბანკ რესპუბლიკის ერთობლივი სასტიპენდიო პროგრამის ფარგლებში საქართველოს ფრანგული ინსტიტუტისა და ბანკ რესპუბლიკის მიერ შეირჩა კანდიდატი გიორგი გოლიაძე. გიორგიმ სკოლა ქალაქ ქობულეთში დაამთავრა, შემდეგ კი ივანე ჯავახიშვილის სახელობის თბილისის სახელმწიფო უნივერსიტეტში განაგრძო სწავლა ბიზნესის ადმინისტრირების მიმართულებით. წელს გიორგი ჩაირიცხა მაგისტრატურაზე ბიზნესის ადმინისტრირებისა და საერთაშორისო მენეჯმენტის განხრით რენის მენეჯმენტის სკოლაში. სტიპენდია მას სწავლისა და საფრანგეთში ცხოვრების ხარჯების დაფარვაში დაეხმარება.
ანტუან გაბიზონი, ბანკ „რესპუბლიკის“ გენერალური დირექტორი: „ბანკი „რესპუბლიკა“ განაგრძობს სოციალური პროექტების განხორციელებას, რითაც ხელს უწყობს ახალგაზრდა თაობის ინტელექტუალურ განვითარებას. ჩვენი თანამშრომლობა ფრანგულ ინსტიტუტთან სტუდენტებს აძლევს შესაძლებლობას, მიიღონ განათლება საფრანგეთში, ისწავლონ საერთაშორისო გარემოში და შეიძინონ ახალი უნარები. მიხარული ვართ, რომ ახალგაზრდა თაობას ხელს ვუწყობთ თავიანთი გრძელვადიანი ამოცანების შესრულებაში.“
ბანკ „რესპუბლიკის“, როგორც სოციალურად პასუხისმგებელი ფინანსური ინსტიტუტის მიზანია, იყოს მთლიანად კლიენტთა საჭიროებებზე ორიენტირებული სანიმუშო ბანკი პროფესიული და ეთიკური გადაწყვეტილებებით, რომლებიც ხელს უწყობს ეკონომიკის დაფინანსებას. ის ახორციელებს და ასპონსორებს საზოგადოებისთვის მნიშვნელოვან სხვადასხვა პროექტს. ბანკის სოციალური მიმართულება მნიშვნელოვანწილად ხელოვნებისა და განათლების სფეროების, ასევე ფრანგულ-ქართული ურთიერთობების მხარდაჭერას და ფილანთროპიას ეთმობა.
