ექს-პრემიერ ბიძინა ივანიშვილის შეფასებით, არც მურუსიძე და არც სხვა ადეიშვილის სასამართლოში, კრიტიკას ვერ გაუძლებს. მისი თქმით, იუსტიციის უმაღლესი საბჭოს მდივანი ლევან მურუსიძე მას ანგელოზად არ დაუსახელებია.
„არც მურუსიძე და არც სხვა, ადეიშვილის სასამართლოში კრიტიკას ვერ გაუძლებს, რადგან ისინი იყვნენ იმ რეჟიმის მსხვერპლი. ვინც შეეწინააღმდეგა, ვნახეთ, რაც უქნეს. მურუსიძე ანგელოზად არ დამისახელებია. ის რიგითი მოსამართლე იყო და მდივნად ჩემს დროს აირჩიეს, თუმცა ხმა არავის ამოუღია. გირგვლიანი პირდაპირი მნიშვნელობით მოკლეს. დღეს ისეთ კონტექსტში ატრიალებენ, რომ მურუსიძეს პირდაპირ მიუძღვის წვლილი. ეს თემა ანგაჟირებულია თორემ სინამდვილეში, ეს მიანიშნებს იმაზე, რომ მურუსიძემ „ნაცმოძრაობას“ თავი დააღწია“, - განაცხადა ივანიშვილმა.
ექს-პრემიერი დღეს რეგიონული, ბეჭდური და ონლაინგამოცემების წარმომადგენლების კითხვებს პასუხობს. შეხვედრას, რომელიც 2 საათი გაგრძელდება, მხოლოდ ტელეკომპანია GDS იღებს.
