14 ივნისს, 18.00 საათზე, ალექსანდრეს ბაღში (ქაშუეთის ეკლესიის მიმდებარე ტერიტორია) შეზღუდული შესაძლებლობის მქონე პირთა უფლებების დაცვის დღესთან დაკავშირებით გრანდიოზული სპორტულ–კულტურული ღონისძიებები იმართება:

ესტაფეტა გუნდური პრინციპით, რომელშიც მონაწილეობას საომარ მოქმედებებში დაზარალებული ჯარისკაცებიც მიიღებენ.

ფოტო გამოფენა–კონკურსი შშმ თემატიკაზე  „ჯიპას ‘’ სტუდენტებისა და შშმ ახალგაზრდების წყვილების მონაწილეობით;

შეჯიბრი  პარაოლიმპიური სპორტის სახეობაში  „ბოჩა“.

ეტლით მოსარგებლეთა სპორტული ცეკვების ფესტივალი, რომელშიც მონაწილეობას მიიღებს ოთხი წყვილი.

ღონისძიების დასკვნით ნაწილში გაიმართება ინტეგრირებული კონცერტი, შშმ შემოქმედებითი ჯგუფების – უსინათლოთა კავშირის კულტურული ცენტრის ანსამბლების „კრწანისის“ და „ნანსა“-ს შემადგენლობით, საქართველოს ყრუთა კავშირის მოცეკვავეთა და ჟესტური ენით მომღერალთა ანსამბლები.

ასევე, ქართული ესტრადის მომღერლებისა და ბენდების მონაწილეობით: „აუდსაიდერი“, “ფანი გრასი“, მამუკა მესხი, გიორგი სუხიტაშვილი, ბაბი კირკიტაძე,ბრომა რცხილაძე, მედოლეთა ანსამბლი “გზება“ და სხვ.

ღონისძიებას დაესწრება საქართველოს რეგიონული მასშტაბით მოწვეული 300–მდე სხვადასხვა შეზღუდვის მქონე პირი.

ღონისძიებას დაესწრებიან თბილისის მერი დავით ნარმანია, სპორტისა და ახალგაზრდულ საქმეთა მინისტრი ტარიელ ხეჩიკაშვილი, საქართველოს პირველი ლედი - ქალბატონი მაკა ჩიჩუა, USAID–ის მისიის ხელმძღვანელი დუგლას ბოლი;

ღონისძიების ორგანიზატორები არიან „ახალგაზრდული მედია კავშირი“ და „კოალიცია დამოუკიდებელი ცხოვრებისათვის“.

მხარდამჭერები: ქ.თბილისის მერია, სპორტისა და ახალგაზრდულ საქმეთა სამინისტრო, თავდაცვის სამინისტრო, USAID.

სპონსორები – ქართული ლუდის კომპანია „ზედაზენი“, „ნიკორა სუპერმარკეტი“