საქართველო მშვიდობის გლობალურ რეიტინგიში 162 ქვეყანას შორის 85-ე ადგილს იკავებს. გასულ წელთან შედარებით, საქართველომ პოზიცია შვიდი საფეხურით გააუმჯობესა. 2015 წლის ანგარიშის თანახმად, ქვეყანა 92-ე ადგილზე იყო, 2014 წელს კი - 117-ე ადგილს იკავებდა.
ანგარიშის მიხედვით, გასულ წელს მსოფლიოში შეიარაღებული კონფლიქტების დროს დაღუპული ადამიანების რაოდენობა ბოლო 5 წელიწადში რეკორდული იყო, ხოლო დევნილების რიცხვმა მეორე მსოფლიო ომის შემდგომი პერიოდის მაქსიმუმს მიაღწია.
კვლევის თანახმად, საცხოვრებლად ყველაზე საშიში ქვეყანა სირიაა, რომელსაც სამხრეთ სუდანი, ერაყი, ავღანეთი და სომალი მოჰყვება.
ორგანიზაციის ანგარიშის მიხედვით, გასულ წელს ტერორისტული თავდასხმების ყველაზე მაღალი მაჩვენებელი აღინიშნა. მსოფლიოში ყველაზე მშვიდ რეგიონად ევროპაა დასახელებული.
ქვეყნების რეიტინგი 23 ფაქტორით განისაზღვრა. შიდა ფაქტორებში ძალადობა და დანაშაულის მაჩვენებელი, საგარეოში კი სამხედრო ხარჯები და მეზობელ ქვეყნებთან ურთიერთობაა.