კახა ბენდუქიძის ქალიშვილი თავისუფალი და აგრარული უნივერსიტეტების დამფუძნებელი ფონდის - "ცოდნის ფონდის" ერთადერთი დამფუძნებელი-მემკვიდრე გახდა.
ამ თემასთან დაკავშირებით ანასტასია ბენდუქიძე-გონჩაროვა კახა ბენდუქიძის საუნივერსიტეტო კამპუსში ჟურნალისტებისთვის ბრიფინგს გამართავს და ფონდისა და უნივერსიტეტების სამომავლო გეგმებზე ისაუბრებს.
ბრიფინგი ჩატარდება 6 ივნისს, 11:00 საათზე, კახა ბენდუქიძის საუნივერსიტეტო კამპუსის ბიბლიოთეკაში.
კახა ბენდუქიძის შვილი ანასტასია ბენდუქიძე გონჩაროვა მიმდინარე წლის იანვარში, სასამართლოებმა ოფიციალურად სცნეს მის მემკვიდრედ. თბილისში, მოსკოვსა და ლონდონში გამართულ პროცესებზე ანასტასია გონჩაროვამ მოიგო პროცესები და დაადასტურა რომ ის ნამდვილად კახა ბენდუქიძის შვილია.
მტკიცებულებებს შორის იყო დეენემის ანალიზიც. სასამართლოს გადაწყვეტილებით ის ბენდუქიძის ქონების ნახევრის მფლობელი გახდება. მან განაცხადა, რომ აპირებს მამის მიერ დაწყებული პროექტების გაგრძელებას.
