"მაესტროს" გენერალური დირექტორი ზურაბ ნაყეური ტელევიზიის თანამშრომლებისთვის შრომითი ხელშეკრულებების შეჩერების თაობაზე განცხადებას აკეთებს:
"ჩვენი პოზიციაა, "მაესტროს" ყველა თანამშრომელი ძვირფასია თვითონ მაესტროსათვის. ყველა თანამშრომელი ჩვენთვის ღირებულია, ნებისმიერი მათი შემოთავაზება, რა თქმა უნდა აღქმული იქნება ადეკვატურად და რაღა თქმა უნდა მათ სიამოვნებით დავიბრუნებთ და სიამოვნებით გავაგრძელებთ შრომით ურთიერთობას" განაცხადა ნაყეურმა.
"მაესტროს" გენ.დირექტორმა გადაცემა „არჩევანში“ მონაწილეობისთვის ოთხ ჟურნალისტს შრომითი ხელშეკრულება შეუწყვიტა.
„მე როგორც საზოგადოების დირექტორი, ვიღებ გადაწყვეტილებას: 1. ჩატარდეს შიდა სამსახურეობრივი მოკვლევა ფაქტზე: 31 მაისს ტელეკომპანია „რუსთავი 2-„-ის გადაცემა „არჩევანში“ შპს „სტუდია მაესტროს“ მოქმედ თანამშრომელთა მონაწილეობის შესახებ. 2. მოკვლევის დასრულებამდე, შეუჩერდეთ უფლებამოსილება ტელეკომპანია „მაესტროს“ შემდეგ თანამშრომლებს: თამუნა ქემერტელიძეს, თელარა გელანტიას, ელენე კვანჭილაშვილსა და ბექა ბაციკაძეს“, - ნათქვამია გენ.დირექტორის გადაწყვეტილებაში.