ხუთ წლამდე ბავშვების სიკვდილიანობა ერთ-ერთ მთავარ პრობლემად რჩება, - ამის შესახებ უჩა ნანუაშვილმა ბავშვთა უფლებათა ცენტრის წარმომადგენლებთან ბავშვთა უფლებრივ მდგომარეობაზე საუბრისას განაცხადა.
როგორც სახალხო დამცველმა განაცხადა, აუცილებელია, სპეციალური სამუშაო გეგმისა და სტრატეგიის შემუშავება, რომ მოხდეს პრევენცია ბავშვთა სიკვდილიანობის.
“ჩვენი მოთხოვნაა, რომ ამ კუთხით უფრო მეტად გამოიკვეთის სახელმწიფოს პასუხისმგებლობა, რადგანაც ასეთი დღეს არაერთი ფაქტი ხდება, რეაგირება კი არ არის”, - განაცხადა სახალხო დამცველმა.
უჩა ნანუაშვილმა მედიაში გაშუქებისას ბავშვთა უფლებების დარღვევის ფაქტების გაიხსენა.
“გასულ წელს იყო რამდენიმე სამწუხარო შემთხვევა, ეს ტენდენცია მიმდინარე წელსაც გრძელდება, როცა ეთიკური და სამართლებრივი სტანდარტების დარღვევით ხდება ბავშვების საკითხების გაშუქება, ზოგ შემთხვევაში ასეთ ფაქტებს სავალალო შედეგები მოჰყვება, ამიტომ დაუშვებელია ასეთი სტანდარტების დარღვევით ნებისმიერი თემის გაშუქება, მითუმეტეს, როცა ეს ეხება ბავშვებს“, - აღნიშნა უჩა ნანუაშვილმა.