ტელეკომპანია “მაესტროს” დამფუძნებლები, მამუკა ღლონტი და ეკა აკობია სპეციალურ მიმართვას ავრცელებენ, რომელსაც უცვლელად გთავაზობთ:
"მივმართავთ “მაესტროს“ ჟურნალისტებს. გიორგი ისაკაძის “მაესტროდან“ გაძევება არის მხოლოდ პირველი ნაბიჯი, გადადგმული ტელეკომპანიის სარედაქციო პოლიტიკის სრულად გაკონტროლებისკენ, რასაც ახორციელებს “ქართული ოცნება“ “იმედის“ მეპატრონის, ირაკლი რუხაძის ხელით. მოგიწოდებთ, მხარში დაუდგეთ ერთმანეთს და არ დაუშვათ “მაესტროს“ სახელისუფლებო არხად გადაქცევა. დარწმუნებულნი ვართ, რომ თუ ახლა ვერ შეძლებთ თქვენი და თქვენი კოლეგების უფლებების დაცვას, უახლოეს მომავალში “ირაკლი რუხაძე და კომპანია“ აუცილებლად დაცლის ,,მაესტროს” პრინციპული ადამიანებისგან",-ნათქვამია მამუკა ღლონტის და ეკა აკობიას მიმართვაში.
