პროექტ „ ჩემი ნაძალადევის“ ფარგლებში, მოსახლეობასთან შეხვედრებს განაგრძობს ნაძალადევის რაიონის გამგებელი. ზაზა გაბუნია ამჯერად კაჭრეთის, სუვოროვის, გვაზაურის ხევისა და ბოგვის ქუჩების მოსახლეობას შეხვდა.
მერიის ინფორმაციით, აღნიშნული ქუჩების ნაწილზე ამ დროისათვის საგზაო სამუშაოები უკვე მიმდინარეობს, ნაწილზე კი უახლოეს მომავალში დაიწყება. შეხვედრებზე ზაზა გაბუნიამ მოსახლეობას სამუშაოებთან დაკავშირებული დეტალები გააცნო და ადგილობრივების აზრი მოისმინა.
