საქართველოს დამოუკიდებლობის აღდგენის 25 წლისთავთან დაკავშირებით, 26 მაისს ესტონეთში, ქ. ტალინის ცენტრში, ვირუს მოედანზე მდებარე საელჩოს შენობა საქართველოს დროშის ფერებში განათდა.
საქართველოს დამოუკიდებლობის დღის საზეიმო ღონისძიება ესტონეთში საქართველოს საელჩოს ორგანიზებით მოეწყო, სადაც გაიმართა „ქართული ხმების“ კვარტეტის კონცერტი. პარალელურად ეკრანზე გაიშვა ქვეყნის ისტორიულ-კულტურული ხედებისა და ტურისტული პოტენციალის ამსახველი ვიდეო კლიპები.
მიღების ფარგლებში ასევე გაიმართა საქართველოს დამოუკიდებლობის აღდგენის ამსახველი ფოტო გამოფენა.
