საქართველოს რეგიონული განვითარებისა და ინფრასტრუქტურის სამინისტროს მყარი ნარჩენების მართვის კომპანიის დირექტორმა, გიორგი შუხოშვილმა ქალაქ რუსთავში ნაგავსაყრელის კეთილმოწყობის სამუშაოები დაათვალიერა.
უწყების ინფორმაციით, ნაგავსაყრელზე ყოველთვიურად 2 957 ტონა ნარჩენი ქალაქ რუსთავიდან და გარდაბნის მუნიციპალიტეტიდან შედის. ამ დროისთვის კომპანია რუსთავის ნაგავსაყრელზე ძველი უჯრედის დახურვისა და ახალი, ევროსტანდარტების შესაბამისი პოლიგონის მოწყობის სამუშაოებს ახორციელებს. რუსთავის ნაგავსაყრელის კეთილმოწყობის სამუშაოები სამ თვეში დასრულდება.
საქართველოს რეგიონული განვითარებისა და ინფრასტრუქტურის სამინისტროს “საქართველოს მყარი ნარჩენების მართვის კომპანია”, გარემოსა და ადამიანზე მავნე ზემოქმედების შემცირების მიზნით, მოქმედი ნაგავსაყრელების კეთილმოწყობის სამუშაოებს მთელი ქვეყნის მასშტაბით აწარმოებს.