საქართველოს პირველი რესპუბლიკის სახელობის ბაღში, ლევილის შატოს და მამულის საქართველოსთვის გადმოცემის წინასწარ განზრახულებათა დოკუმენტის ხელმოწერის ცერემონია გაიმართა, სადაც საქართველოს პირველი რესპუბლიკის ხელმძღვანელების შთამომავლებმა ხელი ოფიციალურ დოკუმენტს მოაწერეს.
ღონისძიება საქართველოს დამოუკიდებლობის 25 წლის იუბილის ფარგლებში გაიმართა.
ხელმოწერის ცერემონიას დაესწრნენ საქართველოს დამოუკიდებელი რესპუბლიკის ხელმძღვანელთა შთამომავლები, დიასპორის საკითხებში საქართველოს სახელმწიფო მინისტრი გელა დუმბაძე და საქართველოს იუსტიციის მინისტრი თეა წულუკიანი.