დღეს, 26 მაისს, თბილისში, რუსთაველის გამზირზე საქართველოს დამოუკიდებლობის 25 წლის იუბილისადმი მიძღვნილი ღონისძიება გაიმართება. იუსტიციის სამინისტრო ღონისძიებაზე წარმოდგენილია სპეციალური პავილიონით (ინსტალაცია).
„ცისფერი გალერეასთან“ დგას სპეციალურად დამზადებული კონსტრუქცია, რომელიც ბრენდირებულიაა საქართველო-ევროკავშირის ფერებში, შესაბამისი თემატიკით. კონსტრუქცია წარმოადგენს გადახურულ მონიტორს, საიდანაც ლაივსტრიმის მეშვეობით ევროპის სხვადასხვა დედაქალაქიდან თბილისში ღონისძიებაზე მყოფ მოქალაქეებს გაესაუბრებიან (11.00 საათიდან 19.00 საათამდე).
გასაუბრების წინ ეკრანიდან თითოეულ მოქალაქეს სახალისო ტესტი ჩაუტარდება, რომლის მიხედვითაც გაირკვევა, თუ რომელი ქვეყანა შეეფერება ამა თუ იმ პირს სამოგზაუროდ. ამის შემდეგ ჩაირთვება ლაივსტრიმი, სადაც ტესტის შედეგიდან შერჩეული ქვეყნიდან მიესალმებიან.
„ეს სახალისო ინსტალაცია, საინფორმაციო ხასიათისაა. მოქალაქეებს ჩაუტარდებათ სახალისო ტესტი, რომელიც გარდა იმისა, რომ დაადგენს რომელი ქვეყანა შეეფერება სამოზაუროდ და ამ ქვეყნიდან ლაივსტრიმით ჩაერთვება იქაური მოქალაქე, მიიღებს ზუსტ და ამომწურავ ინფორმაციას, რას ითვალისწინებს უვიზო მიმოსვლა, რა დოკუმენტაცია უნდქ ჰქონდეს თან, რამდენი დღე შეუძლია დარჩეს, შეუძლია თუ არა უვიზო მიმოსვლის ფარგლებში სასწავლებლად ან სა მუშაოდ წასვლა და ა.შ. საუბრის თემა მთლიანად ვიზალიბერალიზაციის შესახებ მოქალაქეთა ცნობიერების ამაღლებას შეეხება“, - განაცხადა „ჯი-ეიჩ-ენთან“ საუბარში იუსტიციის სამინისტროს პრესასთან და საზოგადოებასთან ურთიერთობის დეპარტამენის უფროსმა, მარიამ სხილაძემ
მისივე თქმით, საუბრის თემა მთლიანად ვიზალიბერალიზაციის შესახებ მოქალაქეთა ცნობიერების ამაღლებას შეეხება. აქვე მოქალაქეებს დაურიგდებათ ევროკავშირთან უვიზო რეჟიმის შესახებ საინფორმაციო ბროშურები.
