სპორტის მინისტრი ტარიელ ხეჩიკაშვილი აცხადებს, რომ კორცხელში მომხდრა ინციდენტში არცერთი მოქმედი სპორტსმენი არ მონაწილეობდა და მათ მიმართ სპორტულ დისციპლინური სასჯელის გამოყენება შეუძლებელია. მისივე თქმით, სამართალდამცავმა უწყებებმა დროულად უნდა გამოიძიონ დანაშაული.
„ვინც არ უნდა იყოს სპორტსმენი, თუ მსგავს დაპირისპირებაში მიიღებს მონაწილეობას, ძალიან ცუდია. ეს არა მარტო სპორტული ოჯახისთვის, მთლიანად საზოგადოებისთვის არის ცუდი. ამიტომ, ერთხელ და სამუდამოდ, რა რეგალიებიც არ უნდა ქონდეს და ვინც არ უნდა იყოს, უნდა გაემიჯნოს დაპირისპირებას და ძალადობას. ეს ყველაფერი გავიარეთ და ძალიან ცუდია თუ ვიღაცა ისევ უკან აბრუნებს საქართველოს,“ - აღნიშნა ტარიელ ხეჩიკაშვილმა.
