მაშველებმა მტკვარში გადავარდნილი მანქანა და ცხედარი იპოვეს. ხუთ დღიანი ძებნის შემდეგ მდინარეში ჩაძირულ ავტომანქანა, იუსტიციის სახლთან მიაგნეს. ოპელის მარკის ავტომობილს მღვდელმონაზონი ბასილი მართავდა. ნაპოვნ ავტომობილში იყო სასულიერო პირის ცხედარიც.
გამოძიებას პოლიციის დეპარტამენტის საგზაო სატრანსპორტო შემთხვევათ საგამოძიებო სამსახური აწარმოებს. გამოძიება ტრანსპორტის მოძრაობის უსაფრთხოების ან ექსპლუატაციის წესების დარღვევის მუხლით მიმდინარეობს, რამაც ადამიანის სიცოცხლის მოსპობა გამოიწვია.
შემთხვევა 17 მაისს, გამთენიისას, თბილისში, მტკვრის მარჯვენა სანაპიროზე მოხდა. შსს-ს საგანგებო სიტუაციების მართვის სააგენტოს მაშველებმა სამძებრო-სამაშველო ოპერაცია ოპერატიულად - შემთხვევიდან რამდენიმე წუთში დაიწყეს.