მიმდინარე წლის 16 მაისს, 19:00 საათზე, რესტორან "ოტიუმში", სამი შვილის დედის, 33 წლის ანა ვანიძის სიცოცხლის გადასარჩენად, საქველმოქმედო აუქციონი და ლატარეა იმართება.
აუქციონს და პრიზების გათამაშებას გაუძღვება საქართველოში კანადის საპატიო კონსული, ბატონი კლიფორდ აიზეკი.
საქველმოქმედო აუქციონთან ერთად, გაიმართება ლატარია. ყველა სტუმარს, რომელიც შეიძენს ბილეთს, შესაძლებლობა ექნება მონაწილეობა მიიღოს პრიზების გათამაშებაში. ესაა შესაძლებლობა, დავეხმაროთ ანას და ამავდროულად, გავხდეთ რომელიმე საინტერესო ხელოვანის შემოქმედების ნიმუშისა და სხვადასხვა კომპანიის მიერ დაწესებული საჩუქრის მფლობელი. გარდა ამისა, ყველა სტუმარი, რომელსაც იღბლიანი ბილეთი აღმოაჩნდება, დამატებით, კომპანია ,,აიტექნიკისგან" მიიღებს 20%-იანი ფასდაკლების ვაუჩერს.
საქველმოქმედო ღონისძიების მხარდამჭერები არიან და სპეციალური პრიზები დაწესებული აქვთ :
სასტუმროებს - „ლოპოტა“, „რუმსი-ყაზბეგი“, „რუმსი -თბილისი“, „ოაზისი ჩაქვი“, „ჩეკპოინტი თბილისი“, „შატო მერე“;
კომპანიებს - „ბარამბო“, „ზედაზენი“, „ჩაი გურიელი“, „სარაჯიშვილი“, „ლიდერფუდი“;
პარფიუმერულ მაღაზიებს - „ვულე-ვუ“, ისი-პარი“;
საიუველირო მაღაზია „სვაროვსკის“, ესთეტიკური რეაბილიტაციის ცენტრ „აურა პლუსს“, ესთეტიკურ ცენტრ „ვიზუალს“, „სნეპ ფიტნესს“,
მაღაზიათა ქსელს: „ადიდასი“, „ნაიკი“, ჯორდანო“, „რიბოკი“, „პუმა“; სუპერმარკეტების ქსელ „ეკონომიქსს“, მაღაზია „აიტექნიკს“, ფრანგულ საკონდიტრო მაღაზია „ბისკვიტს“, რესტორნებს - „შარდენი“, ტერასა 360“, „ხუტაროკი“;
საქველმოქმედო ლატარიაში გათამაშდება ქეთი მატაბელის, გოგი ცაგარელის, ბადრი ვადაჭკორიას, მაია მიქაშავიძის, გიორგი აბდალაძის, მანანა ჯაფარიძისა და ზურაბ გომელაურის ნამუშევრები.
ღონისძიებაზე დასწრება უფასოა! ლატარიის ბილეთის ღირებულებაა 10 ლარი. ბილეთების შეძენა შესაძლებელი იქნება რესტორან ,,ოტიუმის" ღია ეზოში.
თქვენი მხარდაჭერა ძალიან მნიშვნელოვანია ახალგაზრდა დედის სიცოცხლის გადასარჩენად!
მისამართი: რესტორანი "ოტიუმის" ღია ეზო
კუს ტბის ასახვევი