შაბათს, 14 მაისს, 20:00 საათზე Birdy Pub-ში,  Salio და SvanSikh საქველმოქმედო კონცერტს გამართავენ გიორგი ლოსაბერიძის დასახმარებლად. ბილეთის ღირებულება 25ლ. შემოსული თანხა მთლიანად გადაერიცხება გიორგის ოჯახს. ბილეთების შეძენა შესაძლებელია, როგორც ადგილზე - მოსაშვილის ქ. 11,  ასევე tkt.ge-ზე.

26 წლის გიორგი ლოსაბერიძემ, 4 აპრილს, იოსებიძის ქუჩაზე მდებარე საფეხბურთო სტადიონზე, ფეხბურთის თამაშის დროს თავის მძიმე ტრავმა მიიღო. ტრავმის მიღების შემდეგ უგონო მდგომარეობაში მიიყვანეს კლინიკაში, სადაც ორი ტრეპანაცია გაუკეთდა. მას შემდეგ, გიორგი ღრმა კომაშია და ამჟამად ინგოროყვას მაღალტექნოლოგიური საუნივერსიტეტო კლინიკის რეანიმაციულ განყოფილებაში გადის მკურნალობას.
გიორგის დიაგნოზი ძალიან მძიმეა. „ქალა-ტვინის მძიმე ტრავმა. მარცხნივ საფეთქლის წილის სუბდურული ჰემატომა, დაჟეჟილობა. ტრავმული სუბარაქნოიდული ჰემორაგია,თავის ტვინის შეშუპება. გულ-სისხლღძარღვთა და სუნთქვის მწ. უკმარისობა. ორმხრივ სუბდურული ჰემატომების ევაკუაციის დეკომპრესიული ტრეპანაციის შემდგომი პერიოდი“.
სამწუხაროდ ექიმები ამ ეტაპზე ამ მდგომარეობის სამომავლო პროგნზირებას ვერ ახერხებენ. აქედან გამომდინარე, ვერ ხერხდება იმის დადგენა, თუ რა დრო არის საჭირო მკურნალობასა და რეაბილიტაციისათვის.
გიორგისა და მისი ოჯახის ახლობლებმა დახმარების სურვილი გამოთქვეს. გაკეთდა "ფეისბუქ" გვედრი "გიორგის დასახმარებლად", სადაც მითითებულია გიორგის დედის საბანკო ანგარიში. ნებისმიერი თანხა ოჯახისათვის ძალიან მნიშვნელოვანია!

სს თი-ბი-სი ბანკი
GE10TB7009026365100063  (ლარი)

GE36TB7009026366100053  (დოლარი)

მიმღები - ეკატერინე გილაშვილი-ლოსაბერიძე