ივ. ჯავახიშვილის სახელობის თბილისის სახელმწიფო უნივერსიტეტში აკადემიური საბჭოს პირველი ეტაპის არჩევნები მიმდინარეობს.
არჩევნებში 33 კანდიდატი მონაწილეობს. უნივერსიტეტის ფაკულტეტები, აკადემიურ საბჭოში14 წევრს აირჩევენ. საარჩევნო უბნები შვიდივე ფაკულტეტზე ერთდროულად გაიხსნა.
თსუ-ს საარჩევნო კომისიის ინფორმაციით, კენჭისყრაში 791 ამომრჩეველი მონაწილეობს, აქედან 726 აკადემიური პერსონალია, 65 კი სტუდენტური თვითმმართველობის წევრი.
არჩევნების პროცესს არასამთავრობო ორგანიზაციების წარმომადგენლები და ინდივიდვალური დამკვირვებლები აკვირდებიან.
თსუ-ს აკადემიური საბჭოს წევრების კანდიდატთა რეგისტრაცია 28 აპრილს დასრულდა.
რეგისტრაცია სულ 35-მა კანდიდატმა გაიარა, აქედან ერთი, დოკუმენტაციის ხარვეზის გამო მოიხსნა, ერთმა კანდიდატმა კი თავად გააუქმა განაცხადი. ხმის მიცემის პროცესი 17:00 საათზე დასრულდება.